செஸ்..

எனக்கு விபரம் தெரிந்து நான் செஸ் விளையாடுவது நான்காம் வகுப்பிலிருந்து என்று நினைக்கிறேன்.. முழு முதல் காரணம் அப்பா மட்டுமே. அப்பா தான் அவர் வேலை பார்க்கும் நிறுவனத்தில் செஸ்ஸில் முதலிடம் இரண்டாம் இடம் என வெற்றி பெற்றுவருவார்.. அதுமில்லாமல் அவர் வீட்டில் இருக்கும் பொழுது படிக்காம இருக்க அவருடன் செஸ் விளையாட ஆரம்பித்தேன்..

முதலில் வெரும் வெட்டும் ஆட்டத்திற்க்காக ஆசைப்பட்டும் அப்பாவுடன் விளையாடும் அனுபவத்திற்க்காக மட்டுமே ஆடினாலும் செஸ் என்னை மிகவும் அதனடன் என்னை ஆட்படுத்திக்கொண்டது.

முதலில் அப்பாவுடன் ஆட ஆரம்பித்த புதிதில் எல்லாம் அப்பா தான் வெற்றிபெறுவார், அப்புறம் நான் அழிச்சாட்டியம் பன்னி வெற்றி பெறுவேன் (அப்பா விட்டுக்கொடுத்துதான்..) ஆனால் ஒன்பதாம் வகுப்பிற்க்குப்பின் ஓரளவு நன்றாக ஆட கற்றுக்கொண்டுவிட்டேன்.. அப்பாவுடனான ஆட்டங்கள் மிக சுவாரசியமாகவும் கடினமாகவும் செல்லும்.. பின் கல்லூரியிலும், கொச்சின் அலுவலக்த்திலுமாக செஸ்ஸில் முதலாய் கொடி நாட்டிய வருடங்கள் பல.. 2000 வருடத்திலிருந்து செஸ்ஸை சுத்தமாக எந்த வடிவிலும் தொடமுடியவில்லை..

கடந்த முறை சென்னை வந்த பொழுது பிரதர் இன் லா லேப்டாப்பில் செஸ்ஸைக்கண்டு சிறிது நேரம் கம்யூட்டருடன் ஆடிக்கொண்டிருந்த பொழுது தான் ரித்து செஸ்ஸைக் கம்யூட்டரில் கண்டு ஆட ஆரம்பித்திருக்கிறாள்.. இந்த மூன்று மாதமாக கம்யுட்டரிலும் செஸ் போர்டிலுமாய் மேடம் விளையாடிக் கொண்ட்டிருக்கிறாள்..

பார்க்கலாம் எவ்ளோ நாள்ள மேடம் என்னை வெற்றிகொள்ளப் போகிறாள் என்று... மிகுந்த ஆர்வம் காட்டினால் மட்டுமே கண்டிப்பாக தேவையான எல்ல முயற்ச்சியும் பயிற்ச்சியும் ரித்துவிற்க்கு உண்டு.. இல்லாவிட்டால் இருக்கவே இருக்கு அப்பாவின் பயிற்ச்சி நன்கு விளையாடி கல்லூரி அலுவலகத்தில் முதலாய் வருமளவிற்க்கு.... :)

மேலே இருக்கும் புகைப்படங்கள் இந்த மாதம் சென்னையில் ரித்து விளையாடிக்கொண்டிருந்த பொழுது எடுத்தது..

கடந்தமாத புகைப்படங்கள்..

இது ரித்துவின் புதிய ரூமில் அவளுக்கான விளையாட்டு இடம்.. மேடம் ஸ்பைடர் மேனாகவும் கிச்சனிலும் சமைத்துக்கொண்டிருக்கிறாள்.. சமையல் விளையாட்டு உபகரணம் எதோ ஒரு நண்பர் ரித்துவிற்க்கு பிறாந்த நாள் பரிசாக தந்தது..

இப்படி குடுமி போடுறது தான் ரித்துவிற்க்கு ரெம்ப இஸ்டம்.. இப்போ எல்லாம் விளம்பரம் பார்த்து தனக்கும் நீளமான முடி வேனும்னு அடம் வேற.. அவங்க அம்மாவையும் நீள முடி எங்கேனு கேள்வி வேற.. இது நாள் வரை முடி வெட்டி இருந்த அவங்க அம்மா இப்போ ரித்துக்காக.. முடி நீளமாக வளர்க்கிறாங்க..

ரித்துவின் தந்தைக்கும் தந்தையின் தந்தைக்கும் தந்தையர் தின வாழ்த்துக்கள்..

ஹேப்பி பாதர்ஸ் டே.. இது தன் ரித்துவின் வாழ்த்து இந்த அப்பாவிற்க்கு.. இதோடு மட்டுமல்லாமல் ஒரு குறுந்தகவலும் உண்டு.. ஆங்கிலத்தில்..

HAPPY FATHERS DAY acha.
Thank you for loving me,
Cuddling me,
Guiding me and for
Being mine.
You are the worlds best dady..
My sweet darling acha oru paadu istam..
Love you Acha..

ரித்துவிற்க்கு அப்பவின் நன்றியும் வாழ்த்துக்களும்..

இனி அப்பாவின் அப்பாவிற்க்கானது..

அப்பாவிற்க்கு வணக்கமும் தந்தையர் தின வாழ்த்துக்களும். முதன் முதலாக உங்களுக்கே மட்டுமான இந்த ஒரு நாளுக்கான எங்களனைவரது வாழ்த்துக்கள்.

எத்தனையே விழாக்களும் பண்டிகைகளுமாக வந்தாலும் எங்களுக்கும் அம்மாவிற்க்கும் என்று என்னி நீங்கள் செய்தவைகளே அதிகம். இன்றுவரை உங்களுக்கு என்று ஒரு ஒரு பண்டிகைக்கும் எடுக்கும் புது துனிகள் கூட நீங்கள் தைத்து அனிவதே சில மாதங்கள் கழித்து தான்..

இது நாள்வரை குடும்ப்பம் குழந்தைகள் எல்லாரும் நல்லா வரனும் என்று என்னி ஓடி ஆடி அதிகமாக செய்த வேலைகள் எல்லாம் போதும் இனியாவது உங்கள் உடல் நிலை அறிந்து சிறிது ஓய்வு எடுத்துக்கொள்ளுமாறு வேண்டுகிறோம்..

மீண்டும் உங்களுக்கு எங்களனைவரது தந்தையர் தின வாழ்த்துக்கள்.

அன்னையர் தினம்..

மஸ்கட்டில் அன்னையர் தினம் கொண்டாடப்படுவது மார்ச் 10 ம் தேதியில் ஆனால் நேற்று ரித்துவின் வகுப்பில் அன்னையர் தினம் குறித்து ரித்துவுக்கு அவங்க மேம் சொல்லிக்கொடுத்து அதற்கான ரித்துவின் கை பிரிண்ட்டும் ஏற்க்கனவே பிரிண்டான குறிப்பும் அனுப்பியிருந்தார்.. அது இங்கே..

இது பார்த்ததிலிருந்து .. ரித்துவுடன் பயங்கரமா சண்டை போட்டுகிட்டிருந்த அவங்க அம்மா இப்ப ரெம்ப பாசக்காரம்மாவா பீலீங்ஸ் ல இருக்காங்க...:)

ரித்துவும் அவளின் பச்சை பொம்மையும்..

வீட்டிற்கு வந்த பட்டாம்பூச்சி தேவதை..

ரித்துவிற்க்காக அவளின் அம்மா அன்மையில் ஒரு பட்டாம்பூச்சி சிறகுகள் வாங்கி வந்திருந்தார்.. அன்று இரவு முழுதும் ரித்து பட்டாம்பூச்சியாய் விளையாடிது இங்கே..

ரித்துவின் புகைப்படங்கள்..

கடந்த இந்திய விடுமுறையின் போது எடுத்த புகைப்படங்கள்...

ரித்துவின் புகைப்படங்கள்.. துபாய் பிப் 2010

இந்த புகைப்படங்கள் அனைத்தும் கடந்தமுறை துபாய் சென்ற பொழுது எடுத்தவை..

முதல் நாள் இன்று...

ரித்துவின் முதல் பள்ளி நாள் இன்று. காலையில் தான் இங்கிருக்கும் இந்தியன் பள்ளியில் மேடத்தை சேர்க்க சென்றிருந்தோம்..

இரண்டு நாளாகவே ரித்து தயாரக தான் இருந்தாங்க பள்ளிக்கு செல்ல.. இன்று வரச் சொல்லியிருந்ததால் இன்றே எல்லாம் தயார் செய்து எடுத்து சென்று ரித்துக்கான பள்ளியில் சேர்த்தாகிற்று..

ரித்துவும் 3 1/2 மணி நேரம் பள்ளியில் இருந்துவிட்டு “ அழாமல்” நல்ல குழந்தையாய் வந்ததோடல்லாமல் நாளைக்கும் போகனும்னு சொல்லி இருக்காங்க..


இந்த பள்ளியில் சேர்ப்பதற்க்குள்ளாகா நடந்தவை எல்லாம் இனியொரு பதிவில்..

பள்ளி..

இது ஒரு மூன்று மாதத்திற்க்கு முன் நடந்தது..

கடந்த மூன்று மாதமாக ரித்துவிற்க்கான பள்ளி எது என்று ஒரே தேடும் படலம் தான் என்னுடைய முக்கியமான வேலையாகிப்போனது! நவம்பர் 14 க்கு பின் துனைவியாரின் முழு நேர நினைவூட்டலால் இன்னும் தேடல் அதிகமாகியது... ஏற்க்கனவே நான் துனைவியிடம் சொல்லியிருந்தது இது தான்.. ரித்துக்கு பள்ளி என்பது அவள் மூன்று வயது கடந்ததும் மட்டுமே என்று.

அதனால் ரித்துவிற்க்கு மூன்று வயது ஆகும் வரை அவ்வப்போது அவர் நினைவுட்டி வந்தார் என்றாலும் கடந்த 1 1/2 மாதங்களாக மிகவும் அதிக முனைப்பெடுத்து ஒரு ஒரு பள்ளியாக (நர்சரி தான்)இருவரும் தேட ஆரம்பித்தோம்..

நினைத்ததும் உடனே கிடைத்துவிடுமா என்ன? வீட்டிற்க்கு அருகில் இல்லை, அல்லது இடவசதி சரியில்லை.. அல்லது குழந்தைகளுக்கான விளையாட்டுக்கள் இல்லை.... இப்படியாக ஒரு மாதம் ஓடி விட்டது.. சரி இருக்கறதுலயே பரவாயில்லததாக ஒன்றை தேர்ந்தெடுத்து (அதாங்க நம்ம ஊர்ல ஓட்டு போடறது மாதிரி) இரண்டு வாரத்திற்க்கு முன் ஒரு நல்ல நாள் பார்த்து அந்நாளில் ரித்துவினை சேர்த்துவிடலாம் என்று முடிவெடுத்தோம்.
நர்சரி காலை 8 மணியிலிருந்து பகல் 12 வரை மட்டுமே..

அவர்களிடம் போனிலேயே என்ன என்ன வேண்டும் என்று கேட்டு முதல் நாள் இரவே எல்லம் எடுத்து வைத்து அவளிடமும் சொல்லியிருந்தோம்.. நானும் அலுவலகத்திற்க்கு விடுமுறை எடுத்திருந்தேன்.

இறுதியில் அந்த நல்ல நாளும் வந்ததும்.. நானும் ரித்துவின் அம்மாவும் 6 மணிக்கே எழுந்து ரெடியாகி காத்திட்டு இருக்கோம்.. ரித்து தான் எழுந்தபாடில்லை..

மணி 7 ஆச்சு..

8 ஆச்சு..

9 ஆச்சு..

ஊகூம்.. ரித்து தான் எழுந்திருக்கவே இல்லை.. சரி இதுக்கு மேல வேண்டாம்னு ரித்துவை நாங்களாகவே எழுப்பினாலும் மேடம் எழுந்திருக்கவே இல்லை..

இவ்வளவுக்கும் 2 நாளா அவதான் பள்ளிக்கு போகனும் ரித்து பள்ளிக்கு போகனும்னு அடம் பன்னிட்டிருந்தால்.. சரி அது சொல்லியாது எழுப்பலாம்னாலும்.. கடைசிவரை எழுந்திருக்கவே இல்லை..

சரி எதோ ரெம்ப மேடம் டயார்டா இருக்கனு நாங்களும் விட்டாச்சு.. கடைசியா ரித்து எழுந்தது 1 மணிக்கு.. எழுந்து கொஞ்ச நேரத்திலயே அப்பா வா பள்ளிக்கு போலாம்னு வேர அடம்.. ஹ்ம்ம்ம்ம்..

பள்ளி மூடின பின் பள்ளிக்கு போலாம்னா எப்புடி? மீதி இருந்த விடுமுறையை ரித்துவுடன் பார்க்கில் சென்று கேம்ஸ் விளையாடுவதில் சென்றுவிட்டது..

ரித்துவின் இரண்டும் .. மூன்றும்..

Click here to view this photo book larger

மலர்க்கொத்து...

கடந்த வாரம் வீட்டுக்காரம்மாவுக்காக ஒரு ரோஜா மலர்க்கொத்து வாங்கிச் சென்றிருந்தேன்.. கதவு திறந்ததுமே முன் நின்றவள் ரித்து தான்.. வாவ்.. ரோஸ் என்று.. ஒரே ஓட்டத்தில் என் கையில் இருந்ததை இழுத்து பிடித்து வாங்கி விட்டாள்..


வாங்கினது மட்டும் என்றால் பரவாயில்லை.. அதில் இருந்த அழகு வேலைப்படுகளை எங்கே கலைத்துவிடுவாளோ என்று ஒரே படபடப்பாகிவிட்டது.. பின்னே மனைவிக்கு வாங்கினதாயிற்றே.. மனைவியும் வந்துவிடவும் ரித்து அப்பாட்ட தாட இது மம்மிக்கு தரனும் என்று நான் சொல்லவும் .. நோ இது ரித்துவுக்குனு தராமல் ஒரே ஓட்டம்.. அதோட இல்லாமல் மலர்க்கொத்தை கையில் வைத்துக்கொண்டே பலவித முக பாவனைகள் வேறு..

வேறு வழியில்லாமல் சரி ரித்து நீயே மம்மிக்கு கொடுடானு சொன்னதற்க்கும்.. இல்லை இது ரித்துக்குனு கடைசி வரை மேடம் தரவேயில்லை.. .

புகைப்படம் எடுக்கும் சாக்கில் கடைசியில் அம்மாவையும் ரித்துவையும் சேர்த்து உட்காரவைத்து தான் மலர்க்கொத்தை மனைவியிடம் தரமுடிந்தது..

கடைசிப் படி..

இந்த புகைப்படங்கள் ரித்து விட்டில் சேரிலிருந்து கீழே குதிக்கும்பொழுது கிளிக்கியவை..

இப்பொழுது எங்கு நடந்து சென்றாலும் குதிக்காமல் வருவதில்லை.. முதலில் எல்லாம் படிக்கட்டில் ஏறுவதற்க்கே அப்பா என்னை தூக்கு என்பாள்.. பின் அவளே கைப்பிடி பிடித்து ஏற ஆரம்பித்தாள்.. இப்பொழுது எந்த படிக்கட்டுகளாய் இருந்தாலும் தானாகவே ஏறவேண்டும் என்ற ஆர்வம் மட்டுமே.. நானாய் கைப்பிடித்தாலும் அவள் தனியாக செல்லவே விரும்புகிறாள்..

படிக்கட்டில் ஒரு ஒரு படியாக சாதரனமாக நடப்பவள் கடைசிப்படி என்றாள்.. ஒரே ஜம்பில் கீழே குதிதுவிடுகிறாள்.. அது படிக்கட்டு மட்டும் என்று அல்லாமல் இப்பொழுது “ நடை பாதை” “ காரிலிருந்து இறங்கும் பொழுது” சேரில் இருந்து” என்று எல்லாம் இப்பொழுது அதிகரித்தே இருக்கிறது.. !!!

இதில் அவளுக்கு மிகுந்த மகிழ்ச்சி என்றாலும் .... எனக்கு தான் எங்கே கீழே விழுந்து விடுவாளோ என்று பயமாயிருக்கிறது..

புத்தாண்டு நல்வாழ்த்துக்கள்..

அனைவருக்கும் இனிய புத்தாண்டு நல்வாழ்த்துக்கள்..

ரித்துவின் விளையாட்டு...

சாதரனமா வீட்டில் சப்பாத்தி செய்யும் பொழுது எல்லாம் ரித்துவின் அம்மா ரித்துவிற்காக எதாவது விசேஷமாக செய்துகொடுப்பது உண்டு.. சில நேரம் சப்பாத்தி சுடும் முன் மாவில் வித விதமாக உருட்டி சில உருவங்களை விளையாட்டாயும்.. மிக்கி, டோரா வடிவிலான சப்பாத்தியை சுட்டு அவள் சாப்பிடுவதற்க்காகவும் என்று..

கடந்த முறை அவ்வாறு சப்பத்தி செய்யும் பொழுது நாங்கள் பேசிக்கொண்டிருந்த சில நிமிடங்களில் ரித்துவே சப்பாத்தி மாவு எடுத்து செய்த “ நத்தை” தான் இது..

இது ரித்துவின் வீட்டுக்குள்ளான கிரிக்கெட் ஆட்டம்.. மேட்ச்ல கூட பவுளிங் போட்டுடலாம் கூட.. இங்கு வீட்டில் சரியா பவுல் பன்றதுக்குள்ள... !!!

இது புதிதாக வாங்கின கோல்ப் விளையாட்டு ..

கிருஸ்துமஸ்..

ஆண்டு இறுதி வந்தாலே இங்கு எங்கள் நிருவனத்தில் எல்லோருக்கும் ஒரே கொண்டாட்டம் தான் ஏதாவது ஒரு விதத்தில் .. இந்தமுறை பக்ரீத்தும் சேர்ந்து விட்டதால் நவம்பர் இருதியிலிருந்தே ஒரே கொண்டாட்டம் தான்.. அலுவலகத்தில் தினமும் கேக், ஸ்வீட்ஸ்னு அமர்க்களம் தான்..

இங்கு எல்ல ஷாப்பிங் நிருவனங்கள் மற்றும் சில இடங்களில் எங்கும் அலங்கரிக்கப்பட்ட கிருஸ்துமஸ் மரங்களும்.. குறைந்த விலை தள்ளுபடி விற்பனைகளுமாய் செல்கிறது.. அதுவும் இல்லாமல் மஸ்கட்டில் நல்ல மழையும் குளிர்ந்த வானிலையும் நல்ல ஒரு திருவிழா தோற்றத்தைக் கொடுக்கின்றன.. (முக்கியமா அலுவலகமே வெறிச்சோடிக் கிடக்கு.. அதான்.. ;))

சென்ற வாரம் சிட்டி செண்டரில் ஷாப்பிங் சென்ற பொழுது அங்கு கிருஸ்துமஸ் மரத்தை அலங்கரிப்பதை கண்ட ரித்துவும் அந்த கடைப்பெண்னுடன் சேர்ந்து அவலும் பந்துகள், பாக்ஸ்கள் என எடுத்து மரத்தில் அடுக்க ஆரம்பித்துவிட்டாள்.. அன்றிலிருந்து கிருஸ்துமஸ் மரம் எப்போ வைக்கலாம் என்று தினமும் கேட்க ஆரம்பித்து .. இப்போ கிருஸ்துமஸ் தாத்தாவைக் கேட்டுக் கொண்டிருக்கிறாள்..

சரி நம்மளும் கொண்டாடிலாம்னு ..... எங்க வீட்டிலயும் இங்கே கிருஸ்துமஸ் மரம் மட்டும் நட்சத்திரங்கள்..

மஸ்கட்டில் மழை...

இங்கு கடந்த வெள்ளி இரவில் இருந்து தினமும் மாலையில் நல்ல மழை.. பகலிலும் மேகமூட்டமாகவே இருக்கிறது.. வெள்ளி இரவு மழை பெய்ய தொடங்கியதுமே ரித்துவிற்க்கு ஒரே மகிழ்ச்சி.. மழை மழை என்று வீட்டுக்குள்ளேயே ஒரே ஆட்டம்..

சரி மஸ்கட்டிலேயே பெரிய மழை பெய்யறப்போ நாம அதுல நனையாட்ட எப்படினு.. ரெண்டு பேரும் ஆளுக்கு ஒரு குடை எடுத்துட்டு வீட்டுக்கு வெளியே உள்ள ரோட்டில் மழையோடு நடக்க ஆரம்பித்தோம்..

அப்பொழுது உடன் வந்த அவங்க அம்மா எடுத்த புகைப்படங்கள் தான் இவை..

மழைல வந்துட்டு.. தன்னில ரித்து ஒரே ஆட்டம் தான்.. திருப்பி வீட்டுக்கு கொண்டு போறதுக்குள்ள போதும் போதும்னு ஆயிடுச்சு..

Rithus Photos..

இது கசாபில் போட்டிங் சென்ற பொழுது எடுத்தது..

இது ரித்துவின் பிறந்த நாள் விழாவில்..

வீட்டில்.. நடனமாடும் பொழுது..

வீட்டில்..

கசாப் பயணம்..

விடுமுறையின் மூன்றாவது நாள் மஸ்கட்டிலியே ஊர் சுற்றியாகிவிட்டதால்.. நான்காம் நாள் கசாப்பிற்க்கு (இது அந்த “ கசாப்” இல்லீங்க.. ஓமான் நாட்டின் ஒரு பகுதி) க்கு பயணித்தோம்..

ஏற்க்கனவே ஓமன் ஏரில் டிக்கட்டுகள் பதிவு செய்துவிட்டதாலும் உள் நாட்டு விமான பயனமாதலாலும் ஒன்னரை மணி நேரம் முன்னதாக விமான நிலையம் வந்தோம்.. ஆனால் செக் இன் கவுண்டரில் நான் பனி செய்யும் “ நிறுவனத்திடம் இருந்து NOC’ இருந்தால் மட்டுமே கசாப் பயணம் அனுமதிக்க முடியும் என்று செக் இன் செய்ய மறுத்துவிட்டனர்..!! ”கசாப்” என்றாலே பிரச்சினை தானோ??

சரி என்ன செய்தால் செக் இன் செய்வீர்கள்? என்னால் இன்று என் அலுவலகத்தில் கடிதம் வாங்கி வர முடியாது என்ற போது.. சரி இங்கு இருக்கும் ROP ல் ஒரு சீல் வாங்கி வாருங்கள் என்றனர்.. சரி சுலபமாக வாங்கி விடலாம் என்று அங்கு சென்றால்.. அவர்களும் அலுவலக கடிதம் இருந்தால் மட்டுமே அனுமதி என்று கூறிவிட்டனர்.. !! “கசாப்” ஓமானின் ஒரு பகுதியாகவே இருந்தாலும் அங்கு செல்வதற்க்கு யூ ஏ இ (அதாங்க துபாய்)வழியாக தான் செல்ல வேண்டி இருப்பதால் இந்த கெடுபிடி.. இவ்வளவுக்கும் எங்கள் பயணம் வான் வழியாக இருந்தும் இத்துனை கெடுபிடி..

சரி என்னதான் செய்றது கசாப் போறதுன்னு வந்தாச்சு.. சரி நாமே நேரே ROP யின் மூத்த அதிகாரியை பார்க்கலாம்னு சென்று கேட்டேன்.. சரி காத்திருங்கள் என்று கூரி ஒரு அரை மணி நேரம் காக்க வைத்தார்கள்.. இறுதியில் அவரிடம் சென்று நான் கசாப் செல்லவேண்டும் அதும் குடும்பத்துடன் சுற்றுலாவிற்க்காக என்று கூரி..அவரின் நம்பிக்கையை பெற்று “சீல்” வாங்கி விட்டு விமான கவுண்டர்க்கு செக் இன் செய்ய வந்தேன்.. ஓமான் செக் இன் கவுண்டரில் இருப்பவரோ.. சாரி சார் நாங்கள் எல்லா விமானத்திற்க்கும் ஒரு மணி நேரம் முன்னதாகவே செக் இன் முடித்துவிடுவோம் என்று..

என்னடா இதுன்னு அவரிடம் நடந்தவைகளனத்தையும் கூறி நீங்கள் தான் ROP யின் சீல் வேண்டும் என்று சொன்னீர்கள் அதனால் தான் தாமதம் என்று கூறியும்.. ம்ம் கடைசியில் எப்படியோ பெரிய மனசு வைத்து செக் இன் செய்து கொடுத்தார்.. ஒரு வழியா விமானம் ஏறி கசாப் வந்தடைந்தோம்..

வந்ததும் நேரே மலைச்சவாரி தொடங்கினோம்.. ம்ம் மலையே மலை தான் கசாப் முழுவதும்.. 2800 மீட்டர் உயரம் வரை பயனித்தோம்.. அங்கு எடுத்த புகைப்படங்கள் இவை...





மலை உச்சியிலிருந்து திரும்ப வரும் பொழுது ரித்து பாடிய பாட்டை இங்கே கேட்கலாம்..

நினைவுகள்..பக்ரீத் 2009

கடந்த வாரம் பக்ரீத்துக்காக இங்கு 9 நாட்கள் விடுமுறை.. விடுமுறையின் முதல் நாள் இங்கு இருக்கும் யெட்டி பீச்க்கு சென்றிருந்தோம்.. அப்பொழுது பீச் மணலில் விளையாடிக்கொண்டிருந்த ரித்துவின் வீடியோ தான் மேலே இருப்பது..

அடுத்த நாள் மஸ்கட்டிலேயே கடலுக்குள் டால்பின் பார்க்க சென்றிருந்தோம்..மிகவும் அழகான டால்பின்களையும் அமைதியான கடலையும் ரசிக்கும் ரித்து..